Светско првенство во скајранинг 2021

 In Најава, Новости

Извештај од учество на светско првенство во скајранинг 2021

Во периодот 09-11.07.2021 година се одржа петтото светско првенство во скајранинг, на кое за прв пат учествуваше и македонска скајранинг репрезентација. Натпреварите се одржаа во Шпанија (Вал де Бои, Пиринеи) и учествуваа вкупно 24 репрезентации.
Македонската репрезентација броеше четири члена на ова првенство, по двајца во машка и женска конкуренција, а критериум за селекција беа постигнатите резултати на последните две државни првенства одржани на Титов Врв. Настапивме во две од трите дисциплини, вертикален километар и скај маратон, а не претставуваа: Елена Ртоска, Сања Најдовски, Дејан Ангелоски и Александар Кирковски.

Вертикален километар Скај маратон
Дејан Ангелоски 39:51 (13 место од 34) 5:11 (23 место од 44)
Александар Кирковски 48:05 (30 место од 34) ДНФ – 29 км
Елена Ртоска 54:06 (18 место од 20) 7:27 (27/28 место од 28)
Сања Најдовски 57:55 (19 место од 20) 7:27 (27/28 место од 28)

На крајот на првенството во екипен пласман македонската репрезентација собра вкупно 222 поени (152 од ВК и 70 од маратон) со што се пласираше на солидното 12-то место. Настапот на светското првенство е особено значен, бидејќи за нас е второ големо натпреварување во низа по европското првенство во 2019-та година. Покрај успешниот настап и достојно претставување на македонскиот скајранинг и планинарски спорт, ќе биде уште едно големо искуство за уште поголеми успеси во иднина.

Recent Posts
Contact Us

We're not around right now. But you can send us an email and we'll get back to you, asap.

Not readable? Change text.

Start typing and press Enter to search