Асоцијации/Associations

ПЛАНИНАРСКА АСОЦИЈАЦИЈА

MOUNTAN ASSOCIATION


www.makpetrol.com.mk

АЛПИНИСТИЧКА АСОЦИЈАЦИЈА

ALPINE CLIMBING ASSOCIATION


www.alpinizammkd.org

СПОРТСКО КАЧУВАЧКА АСОЦИЈАЦИЈА

SPORT CLIMBING ASSOCIATION


www.climbing.org.mk

СПЕЛЕОЛОШКА ФЕДЕРАЦИЈА

SPELEOLOGICAL FEDERATION


www.speleomacedonia.org.mk

ОРИЕНТАЦИОНЕН СПОРТ

ORIENTEERING SPORT


Читај повеќе/Read more

ИСТОРИЈА


Во 1944 година во Скопје, од повеќе друштва во Република Македонија се оформи Планинарскиот Сојуз на Македонија. Првите почетоци на планинарството датираат многу поодамна кога се појавуваат групи планинари во Тетово и прават искачувања на Љуботен, Шапка, потоа во Прилеп каде се искачуваат на Златоврв, па Битола и Скопје.

Веќе во 1924 година се оформуваат и првите Планинарски друштва “Златоврв“ во Прилеп и во 1925 година ПД “Љуботен“ од Тетово. Тоа се доените на денешното масовно организирано планинарство во Македонија, од кое произлегоа денешните планинарски спортови.

Со текот на годините и политичките промени кои следеа, доведоа последователни промени во начинот на функционирањето на Сојузот. Така, Сојузот прерасна во Федерација на Планинарски Спортови на Македонија, Федерација која ги обединува и раководи со планинарството, алпинизмот, спортското качување, спелеологијата и спортската ориентација.

Во сето ова голем придонес за развојот на планинарството во Македонија, во рамките на поранешната Југославија, придонесува другарот и господин Даре Џамбаз, несомнено најголемата планинарска личност во Македонија. Придобивките се огромни за ФПСМ, направени од него. Изградба и лоцирање во сопствени канцелариски простории во ДХО “Даре Џамбаз“ во Скопје, изградба на повеќе од 28 планинарски домови низ цела Република Македонија, зајакнување на Планинарската организација и нејзино професионално функцинирање.

ФПСМ го раководи претседател и претседателство. Претседателството го сочинуваат претседателите и подпретседателите на петте асоцијации.


Денеска ФПСМ се препознава по асоцијациите за планинарство, алпинизам, спортско качување, спелеологија и ориентационен спорт. ФПСМ го промовира пристапот, како слободно да се вклучите кон планинарските спортови на препознатлив начин, со минимум судир со околината и средината. ФПСМ помага во заштитата на природата, планините, качувачките локалитети од уништувачкиот развој и го охрабрува развојот на локалната заедница. Овие активности ги зближуваат луѓе од различен карактер, со различно минато, различни професии, години, религии, националности и даваат можност за стекнување искуства, култури, доживување различни карактери, стекнување пријателства и важни човечки вредности.

ФПСМ има богата историска збирка на успеси на врвовите и карпите низ светот, првенства и спортски манифестации, длабоки спуштања во земјата, богата активност како промотери на соработката, мирот и штитеници на спортската перфекција.

Истотака во ФПСМ се обучуваат и кадри во сите спортови кои понатаму ја водат работата до врвно усовршување на спортистите кои се дел алпинистички експедиции, дел од светските и европските натпревари во планинарски маратон, спортско качување, качување мраз, спортска ориентација. Од друга страна од ФПСМ произлегува кадар како планинарските водичи кои се грижат за развивање на планинарскиот туризам и зближување на обичниот граѓанин до планината. За овој сегмент, планинарските водичи на Р.М, ФПСМ оформи Центар за стручно оспособување, центар кој професионално се грижи за изградување една комплексна личност-водич во планина. Центарот е мини институција за едицирање и подготвување на водичи во планина, кои најпрофесионално и најбезбедно треба да го одведат клиентот на сите Планини во Македонија.

Истотака ФПСМ како институција која ги обединува планинарските спортови е дел од Агенцијата за Млади и Спорт(АМС) и Македонскиот Олимписки комитет(МОК). Од таму, ФПСМ мора да се придржува кон пропишаните норми и правила кои ги налага Агенцијата за млади и спорт при Влада на Р.Македонија, како надлежна државна институција за спортот во Македонија.

ФПСМ од АМС добива годишен финансиски буџет за меѓународни активности. Тоа се учества на меѓународни натпревари, собири и настани на кои треба да се промовира Македонија, ФПСМ и самиот спортист. За сите активности ФПСМ, поднесува извештај за постигнатите резултати. Поголем број врвни резултати, поголем буџет.




Планината е во срцето на сите Македонци, a од таму планинарските спортови имаат долгогодишна традиција во Македонија.

Сакајте ја планината и бидете дел од планинарските спортови.

Станете член на ФПСМ.


Претседател на ФПСМ

Проф.Др.Јовица Угриновски