На 22 мај беше официјално потпишан договорот помеѓу #Австриската амбасада во Скопје и компанијата Одржливи Авантуристички Патувања за реализација на дел од активностите предвидени во проектот “Slavkov Project – Marking of Hiking Trails in North Macedonia”
Проектот претставува иницијатива поддржана од три дипломатски мисии, во Северна Македонија: Амбасадата на Словачка, Амбасадата на Чешка и Австриската амбасада, со цел унапредување на планинарската инфраструктура и развој на одржлив туризам. Трите дипломатски мисии настапуваат заедно преку иницијативата Славков формат (познат и како Аустерлиц формат) 
Проектните задачи што ќе се спроведуваат со поддршка од Австриската амбасада, ќе бидат насочени кон планинарската патека од Попова Шапка до Титов Врв во рамките на Националниот парк Шар Планина, и ќе ги вклучуваат следниве активности во соработка со партнерите од Федерација на планинарство на С. Македонија:
-обновување на теренска и земјена маркација,
-поставување на информативни табли,
-работилници за локалното население на тема претприемништво во областа на одржливиот туризам
Целта на проектот е да ги зајакне локалните заедници преку активно вклучување на населението во обезбедување услуги поврзани со активен туризам и зачувување на природното наследство.
