Од 3ти до 5ти јули, во Arêches-Beaufort, Savoie, Франција, се одржа Светското првенство во Скајранинг – Мастерс. Да се биде дел од Pierra Menta Eté трката и да се трча во националниот дрес во силна конкуренција е огромна гордост, но, и одговорност.
По освоениот бронзен медал минатата година на Светското првенство во Бугарија, овој настап во Франција и неговиот пласман во топ 5 во неговата категорија само ја потврди неговата одлична форма.
Мартин беше единствен натпреварувач од Македонија, настапи во две дисциплини и ги оствари следниве резултати:
Skyrun du Grand Mont (28 km / 2.600 m vertical climb)• Во категорија мажи 40-44: 5то место
• Генерален пласман: 16ти од 109 натпреварувачи (3:49:53)
Pierra Menta VERTICAL (3.8 km / 870 m vertical climb)• Во категорија мажи 40-44: 12то место
• Генерален пласман: 40ти од 92 натпреварувачи (0:45:26)
Конечниот пласман од ова Светско првенство ќе се утврди по завршување и на Ултра Скај дисциплината во Октомври во Португалија, која е ко-домаќин на ова првенство.
Честитки Мартин за одличниот пласман, покажа дека македонскиот скајранинг може високо да котира на светската сцена кога подготовките доаѓаат од македонските планини кои се огромен потенцијал за овој спорт во подем.
