Почитувани љубители на планината и планинските спортови,
Ние од ПК Ај лав хајкинг груп Маседониа и ПК Кораб заедно со ФПСМ со посебна чест и задоволство сакаме да Ве поканиме на нашето триесет и шестто по ред планинарско дружење на врвот Кораб 2764м, амбасадорот на нашата земја, и поводот е независност на Република Македонија.
Горди на досегашните планинарски средби предходните години, Ви гарантираме одлична дружба и атмосфера. Она што секогаш нè идентификувало како планинарски клуб се најголемите планинарски дружби, па затоа оваа година како и секоја, сакаме оваа акција да ја претвориме во досега најголема на ниво на цела држава. Имаме желба и сон во наредните години да создадеме една традиција која ќе ја крене планинарската фела и која ќе не претставува кај меѓународната јавност. Традиција која ќе ги мотивира сите планинари и ќе ја зголеми свеста на нашиот народ за нашето природно богатство.
ФПСМ со Планинарскиот Клуб „ Ај лав хајкинг груп Маседониа” и ПК “Кораб” ги поканува сите друштва/клубови и организирани здруженија да ни се приклучат во овој заеднички планинарски настан.
Со цел да се одржи високо ниво на безбедност и организираност, согласно препораките на ФПСМ за „Организација на големи традиционални планинарски акции“, секој клуб/друштво или организирано здружение треба да се пријави кај организаторите со бројката на планинари која ја носи со себе, и е должен да обезбеди лиценциран водич од својот клуб/друштво за групата која е со него.
Исто така сите се должни да платат влез во НП Маврово кај пунктот обезбеден од НП Маврово.
ИНФОРМАЦИИ ЗА ПРИЈАУВАЊЕ
Пријавувањето може да се изврши кај:
o Дејан ✆ 071/ 212 808 – dejan@hiking.mk
o Славко ✆ 070-742 255 – slavko@hiking.mk
o Даниел ✆ 071- 261 646 – Daniel_Jankov@yahoo.com
o Дејан Јосифовски ✆ 078- 287 261
ПРОГРАМА НА НАСТАНОТ
Поаѓање од железничка станица Скопје 05:00 часот
Пристигнување и поаѓање од караула Победа 08:30/09:00ч.
Отварање на настанот кај караула Победа во 8:40 часот
Натанот ќе го отвори представник на организацијата
Поаѓање од караула Победа најдоцна во 10:00 часот кон врвот Кораб 2764м
Патеката по која ќе се одвива искачувањето е НОРМАЛНАТА рута
Искачувањето на врвот е до 14:30 часот, сите што ќе се најдат во тој час било каде на
планината се должни да се симнат кон караулата Победа
Врвот се затвара во 15:00 часот.
Со пристигнување на последниот водич од врвот кон караулата, грпата се упатува кон
превозот и со пристигнување кај превозот целата традиционална акција завршува.
За сите љубители на кампингот, имаме отворен кампинг кај караулата Стрезимир од
05.09.2026г Сабота – 06.09.2026г каде се затвара кампингот.
ОРГАНИЗАЦИЈА НА ИСКАЧУВАЊЕТО
Движењето се одвива по нормалната рута во организирана колона по наведената
програма
GPS податок на патеката Ви доставуваме во прилог.
Координаторите на друштвата/клубовите и организираните здруженија се одговорни за
Пријавените членови од матичниот клуб да има обезбедено доволен број на водичи сразмерно на бројот на пријавени учесници од матичните клубови – согласно препораките на ФПСМ! („упатство за број на учесници во планинарска акција за планинарски водичи“)
За искачувањето е потребна планинарска опрема за пролетно/есенски услови!
Исхраната е индивидуална, секој во ранец си носи. Ние обезбедуваме планинарско гравче на крајот од турата кое ќе се служи од 16:30 часот, Вие донесете си чинија и лажица.
ПРЕПОРАКИ НА ФПСМ
Сите учесници се должни да се придржуваат кон следниве препораки:
Препораки при невреме на планина
линк до документот: https://www.fpsm.org.mk/препораки-при-невреме-на-планина
Безбедно на планината во лето
Линк до документот https://www.fpsm.org.mk/безбедно-на-планина-во-лето
Потребна опрема за есен
Линк до документот: https://www.fpsm.org.mk/опрема-за-есен
Кодекс на честа на македонските планинари
Линк до документот: КОДЕКС-НА-ЧЕСТА-НА-МАКЕДОНСКИТЕ-ПЛАНИНАРИ
Ве очекуваме насмеани и желни за нови познанства, искуства и дружби.
Планинарски поздрав и се гледаме на врвот од Кораб!
Планинарски клуб
АЈ ЛАВ ХАЈКИНГ ГРУП МАСЕДОНИА
Бул. Видое С. Бато бр.41-16, 1000
Скопје
Тел: 071/212-808
e-mail:hiking@hiking.mk
www.hiking.mk
ФЕДЕРАЦИЈА НА ПЛАНИНАРСТВО НА МАКЕДОНИЈА
Тел. 02 316 5540
Е-маил: contact@fpsm.org.mk
www.fpsm.org.mk
